يوميات طالب في شعبة الطب

الخميس ديسمبر 29, 2011 3:32 pm

يوميات طالب في شعبة الطب (مع سوغدوزاج عند اقتراب الكونطرول)
.
.
.
.
... .
.
.
.
.
*اول حاجة يرقد 1 تاع اللَيل استعداد لليوم التالي..
*يريقل رفاي على 2.30 باه ينوض،، كي يصوني رافاي ينوض يطفيه و يكمل يرقد..
*ينوض على 3 تاع صباح و هو هكاك داوي و مزطول يروح يغسل وجهو (مع تشعشيع آنورمال للشعر خاصة اذا كانت طفلة)..
*يرجع زعمة باه يبدا لا ريفيزيون و بلا ما يفيق يلقى روحو زاد حكم بلاصتو و راح يرقد و مبعد يدير شويا كوراج و ينوض..
*اول حاجة يفرز الورق و لي كور لي راح يريفيزهم و يجيب لي فليوغيسون و يعدلهم و يحط كلش و يبقى يتفرج،، و مبعد يروح يربوزي باسك عيا من لفريز...
*يضرب للساعة يلقاها 4 تع صباح،، يجيب قهوة يحطها قدامو و يبدا نافح على لقراية،، يبدا يلون فلي كور و يركز،، بعد مرور الخمس دقائق لولة تلقا الورق مطايشين باغتو اوطوغ دو لوي و لفريز لي فرزو كامل يروح مبعد يبدا يبدل فلي بوزيسيون حتى يستسلم و تلقاه تاه و بدا يخمم....
*يحفظ كور بيان و مبعد كي يجي يعاودو ينساه تماما و هو ما تكلمنا عنه سابقا "ساندروم دو شكون نتا منين جيت و روح عاود وش قريت"
*ممنوع منعا باتا يحكي معاه واحد تع الدار،،و وقت الماكلة لزم يجيبولو لغدا قدَامو
*كي يقلق يروح يدخل شويا للفايسبوك باه ينحي عليه (شويا هديك تولي بزاف)،، حتى ياقا روحو في قروب تاع ميدسين يتفكر و يعاود يرجع يقرا
*هنا يبدا الطالب لمهموم يقلع في روحو و يهدر مع روحو"علاه درت ميدسين و غلطة حياتي كي درتها" و مبعد يبدا يخمم في الطرونسفار حتى ينتهي من الكور لي بين يدَيه يطلعلو المورال شويا...
*ما يجي يخلص لبوقغام لي طراساه في مخو يلقاها 12 تاع الَليل و ثم بعد ذلك الريبيلوط
.
.
من اللَخر ليتيديون اون ميدسين معندوش يوميات