حكاية بنات جزائريات على اختيار الزوج المناسب....؟؟؟؟

السلام عليكم و رحمة الله تعالى و بركااته:



var zflag_nid="1436"; var zflag_cid="229"; var zflag_sid="230"; var zflag_width="300"; var zflag_height="250"; zflag_kw="R2G-caesary_Killer_3413"; var zflag_sz="9";




وشراكم جماعة انشاء الله الحمد لله اليوم حبيت نشارككم في موضوعي تاع اليوم على بنت عمتي المهم ندخل في صلب الموضوع هادي
بنت عمتي جاوها بزاااف الخطابة لكن حتى واحد ما قبلت بيه اييه مالا جات
عندي اليوم لدار بدينا نحكيو حتى قلتلها نتيا مهبولة لي يجي تحاوزيه دوك
تشوفي نهار يبطلوا ما يزيدوش يشوفو فيك حتى نلقاها قالتلي ما عجبونيش أنا قلت في قلبي لالا نجيبولك مهند بلاك تقبلي بيه
المهم قلتلها لالا لاباس بيهم و خدامين و ..و..و. ..قالتلي لالا ما عجبنيش الزين ديالهم يبهدلو..و..و..
عييت نفهم فيها و هي تقولي لالا لازم واحد شباب آآآآآآآآآيوااا بدات طلعلي
ف لي نير قلتلها ماشي المهم في الزين المهم التربية و الاخلاق و العقلية
كيفاش خادمة و هي تقولي لالا هادا الوقت نحوسو على الزين و على الدراهم
شحاال يجيب
قلتلها لالا ختيوا أنا التربية و الاخلاق هادا ماكان واش يهموني لكن باش نقبل المال بلا حب لااالاا
راكو تشوفو فقراء و بلا مشاكل و لي عندو الدراهم راهو مغبون
وانا حبيت نفهمها بلي الرااجل جامي ما يتعيب ما لازمش نشوفو ف الزين برك ولا راني غالطة؟؟
و لا أنا مانيش نشوف مليح بلي البنات تاع اليوم يحوسو على الزين و الدراهم؟؟ ماشكيتش كامل هاكدا

راني نستنا في الردود ديالكم انااث و ذكور جاوبوني بصراحة حالةالبنات ديانا اليوم
أرجو تقبل الموضوع
في أمان الله

ههههههههههههههههه

مشكلتكم نتوما غير فالبنات

وش نقولك

موضوع هايل و فكرة مهمة و تستاهل ناقشوها

عندك الحق البنات تاع الزمان هذا

مي مازال كاين بنات عندهم اصل و يعرفو وش يختارو

المهم الملخص عندك الحق قليل اللي تلقاها تحوس على الاخلاق ووو كيما قلت

كامل عادو يحوسو على الزين و الدراهم

الوحدة كانت كي يجيو يخطبوها تسقسي يماها اذا يصلي اذا اخلاقو مليحة

و درك تسقسيه هو شحال تخلص فالشهر هههههه
وش نقولو



ربي يهديهم و يهدينا معاهم

كما قلت انشاء الله الله يوفقنا ويصلح امورنا ونشاء الله نمشو على مسيرة رسولنا محمد (ص) كما قال اسئلو على دينها ثم خلقها ثم نسبها ثم جمالها...؟؟