قصيدة حزن القصيد

قصيدة حزن القصيد


تسأل عن الحزن وهواه ! وانا أسألك وش تستفيد !؟
خلّك مع طير الفرح ولمّا يهاجر أسأله

أنثر كلامك له ورود واجمع حروفك من جديد
خذ من شذاها الياسمين .. نور السنا يتخلله

حبيبتي حزني سما والصبر ماظني يفيد
سيفه طعن قلبي وكانت طعنته في مقتله

هذا الحزن .. حبيبتي .. رفيق عمري والوحيد
اما جلس قلبي حزين والاَ السعاده تجهله

وهذا الفرح ماأعرفه لا من قريب ولا من بعيد
أذكر إذا مني بكيت .. استغرب اني في وله

مابين حزني والقهر .. ما بين دمي والوريد
وعليك تحسبها وشوف .. إن كان به شيء نأمله

أموت بك حزني الدفين واموت لجلك واستبيد
هذي حياتي زاهبه .. عيّد بها واستعجله

مابه عجب من نشوتي .. وللسالفه معنى مفيد
حاول تراود فكرتي .. والتجربة خير امثله

وهقوتي ياشاعري مابه حزن .. مابه قصيد
وان خالجك بعض الظنون عندك يراعك واسأله

ليه الكذب ياعاذلي ؟! هذي أحاسيس النشيد
إما خيانة أو فراق .. والحزن طرْقه مسهله

بس المهم لا تستمل .. وخل صبرك من حديد
واليأس لو خيّم عليه .. بكره يمل ويرحله

الصبر مفتاح الفرج .. والحزن له باب عتيد
بعض الأماني والحلول يمكن تكون بداخله

مشكووووووووووووووووورة و ماقصرتي
تسلمي
تحياتي

مشكوووووووووووووووووورة اختي الغالية

موضووووووووووووووووووع رااااااااااااااااااااااائع

شكرااا لكما على الرد