حب الأنترنت ... (التجربة الأولي) ....

الخميس سبتمبر 30, 2010 10:32 am

حب الإنترنيت
**********
حبيت كتير يا قلبي وبرضك اتحبيت

بالوصل مرة والهجر مرة وف كل مرة عانيت

ومرة دايب ومرة تايب واقول ياريت وياريت

لاالفرح دايم وفي الحزن قايم ولا م الشقا اتهديت

***********

وقلت أجرب مرة حب الإنترنيت

هايم في بحر غرامك أرمي الشباك م البيت

لاركبت تاكسي ولا كلت محشي حتي الحمام خليت

من غير لانظرة ولا ابتسامة ولا رحت كمان ولا جيت

تكتب رسايل في الغرام وتحط ع النار زيت

تقدح خيالك في البحور وتجيب بأحسن بيت

تصحى الليالي طويلة تلعن وتخرب بيت

فإذا الحبيب كان مش غريب طلع له جوه البيت

كانت مراته هي اللي داخله معاه ع النيت

والست رخره حبت قال ايه ده راجل البيت

الخميس سبتمبر 30, 2010 1:53 pm

اكرم
سررت بان اكون الاولى بين حروفك
ما اروع احساسك الصادق
ومااجمل كلماتك المحاكة بطريقة احترافية
وصلنا معناها برقة وعذوبة وسلاسة
دمت متميزاً متالقاً دوما