قصيدة قسوة الايام

قسوة الأيام خدتنى
من عيونك جنتى
دنيا غير الدنيا وانتى
كونتى وحدك دنيتى
قلبى دايب م المرار
لحظة يأس ولحظة نار
مستحيله الدنيا وانتى
مش معايا ف غربتى
قسوة الأيام خدتنى
من عيونك جنتى

لسه صوتك بينادينى
بالحنان والحب دا
لما جيتى تودعينى
والبكا مالى الندا
كونتى مليانه بحنان
بدل الخوف بالأمان
هون الأيام عليا
والمرارة ف وحدتى

لو وحشتك كلمينى
بنفس احساسك زمان
واما اجاوبك اسمعينى
وغمضى عنيكى بحنان
حسى بيا فى المكان
ح تلاقينى مهما كان
عمرى يوم مابعدت عنك





الشاعر أحمد رجب