دقيقه يا زماني

الثلاثاء سبتمبر 07, 2010 9:20 am

السلام عليكم ورحمة الله وبركاته ......

اتمنى ان يكون الجميع بأتم الصحه والعافيه ....

اقدم لكم بين ايديكم قصيدتي المتواضعه عسى ان ترتقي لذائقتكم العذبه .....
شفتك واعرف اني عليك من الوله مجنون
ولكن الخطأ اكبر من الولهان وأعذاره
احسب انك على عهد الوفا أو مستحيل تخون
واحسب انك على قلبي امين وحافظ اسراره
توسع جرحي الأول وزودت الحنايا طعون
وحارت دمعة الشوق العظيم وضاعت اخباره
ياقلبي والغلط وارد وهذا مستحيل يكون
هذاك اللي احبه وسط قلبي مسكنه وداره
هذاك اللي خذى عمري وكل الناس به يدرون
يساوي كل هالعالم ثقيل بقلبي عياره
ياخلي ليه متغير كثير وصار مالك لون
صحيح ان الزمن غدار وان الدنيا دواره
أبد ماكنت أتوقع كذا العشره عليك تهون
ولا كنت احسبك في يوم قلبي تحرق أزهاره
نسيت اللي يداري خاطرك ويبيع كل الكون
نسيت اللي على رهن الأشاره يجيك طياره
تعال امسح دموع اللي على ذاك الهوى يبكون
سنيني والضلوع العوج والخفاق وأسواره
تعال وعلم الطفل الرضيع شلون يبقى دون
حليب أمه وعلم شاعرك لا ينظم اشعاره
أفا وش غير المبدأ من اللي غيره وشلون
أفا وشلون من عمري غلاك يطفي أنواره
أفا ياكيف انفاسك على صدري كذا يقسون
أفا وشلون ترضى عالخفوق تشب به ناره
دخيل الله ياصبري أمانه تكتم المكنون
انا ماعاد فيني للحزن يكفيني تذكاره
دقيقه يازماني لا توقفني و هم يمشون
انا عارف طريقي زين وهو يبلش بمشواره
وسجلها على وجه الزمن وأعطيك انا المضمون
أموت ولا يموت العز لو يسقيني أمراره
بقلمي المتواضع