هما مين واحنا مين ؟

هذه القصيدة كتبها احمد فؤاد نجم منذ سنوات توصف حال مصر قبل الثورة وتتوقع حدوثها
هما مين واحنا مين ؟
احمد فؤاد نجم
شوف مين فينا بيخدم مين..؟
؟؟؟؟؟؟؟؟؟؟؟

هما مين وإحنا مين ؟؟

هما الامرا والسلاطين
هما الفيلا والعربية
والنساوين المتنقية
حيوانات استهلاكية
شغلتهم حشو المصارين
حزرفزر شغّل مُخك

شوف مين فينا بياكل مين..؟


إحنا مين وهمامين
إحنا قرنفل على ياسمين
إحنا الحرب : حطبها ونارها
و إحنا الجيش اللي يحررها
و إحنا الشهدا بكل مدارها
منكسرين أومنتصرين
حزر فزر شغَّل مُخك

شوف مين فينا بيقتل مين..؟

هما مين وإحنا مين

هما الأمرا والسلاطين
هما مناظر بالمزيكا
و الزفة وشغل البوليتيكا
ودماغهم طبعاً أستيكا
بس البركة في الموازين
حزر.. فزر شغل مخك

شوف مين فينا بيخدع مين..؟

هما مين وإحنا مين

هما الأمرا والسلاطين
هما بيلبسوا آخرموضة
و إحنا بنسكن سبعة في أوضة
هما بياكلوا حمام وفراخ
وإحنا الفول دوخنا وداخ
هما بيمشوا بطيارات
و إحنا نموت بالأوتوبيسات
هما حياتهم بامبي جميلة
هما فصيلة وإحنا فصيلة
حادي يا بادي يا عبد الهادي
يا اللي عليك قصدالغنوادي
لما الشعب يقوم وينادي
يا إحنا يا هما في الدنيادي
حزر فزر.. شغل مخك

شوف مين فينا حيغلب مين

شكرا على الموضوع القيم

شكري لك على المرور العطر و الطيب