فتنة العشاق ................

بسم الله الرحمن الرحيم
السلام عليكم ورحمة الله وبركاته
يسعدني ويشرفني أن أضع هذه الأبيات المتواضعة بين أيديكم أتمنى أن تصل إلى مستوى ذائقتكم
.
.
فـتـنـة العــشــاق


حبيبتي مجنونه تخاف الافراق.!
نذرت عمري كلبوه لسعدها

دبدوبةٍ يطرب لها كل خفاق
مسكانها قلبي ولحدٍ نشدها

لي مدة بكتب لها زين الاشواق
لكن حروفي عاجزه في مهدها

ياشعر تكفى طلبة يتيم منعاق
عاش المذله والحياه بنكدها

ياشعر ضاقت في عيوني الافاق
والحرقة بصدري وطايل امدها

بوصوفها ياناس يبسن الارياق
يسعد منهو في حياته وردها

ضحكة عيونها تفتن قلوب عشاق
تفتن قلوبٍ ضايعه في بلدها

كني اشوف بعيونها لاح براق
برق ٍتوسط بالسما مع رعدها

خدودها ابيض من بياض الاوراق
اشوفها بعيني ينقط شهدها.!!

جبينها اوضح من انوار الاشراق
تنور سما ليل الجزيرة وحدها.!!

والعنق عنق الريم من بين الاعناق
عنق الغزال اللي تدور ولدها

خطواتها يادوب يادوب برفاق
تخاف العيون الغايره في حسدها

هذي حقيقة زينها حق واحقاق
سبحانه الخالق بخلقه فردها

ياهل الهوى ياكيف هالبعد ينطاق.؟
دام سكنت قلبي وصدري وأدها.!!!

شكرا على العبارات الراااااااااااااائعة

العفووو شكراا على المررور